Archive for ‘My Poetry Urdu’

October 9, 2012

Zakhm-e-Teyrgi

by afatqiamat

meyray khaboon meen tumhari khusboo thee
or titlee key paroon per teyri  shabhi thee.

dhanak key khush rang parahan meen
sat rangi see khushboo ki khushee thee.

tumharay pas joo qafs-e-zindan thaa
wooh paband-e-salasal zanjeer-e-ana tha…

is kitabi chehray per jo kahani thee wooh meyri thee.
phir us meen lagi wooh tasweer kiss ki thee..

teyri khushboo ka jhonkaa tha keh kiyaa tha
phir meyra jigar kiss shay say kata thaa…!!

ik lahak see thee , baynam khalish fizaoon meen
uski sans ki khusboo , jaltarang see thee hawaoon meen

woohi beyjan sa lasha thaa meyra
chekhta , chinghartaa , jan-kani key alam meen

loo phir moheeb pur-israr khamoshi
wooh keh gayee ,jo pinhan-e-israr thaa

meyray rangoon meen yeh siyah rang kiss ney bhara
wooh to sat rang  dhanak key  rang  sath layee they..

April 23, 2011

Abla paa

by afatqiamat

Abla pa , rakht-e-safar hey humara
akeyley chalna aadat hey humari

jin raastoon pey man chalta hoon
Junoon-e-zeest chaheeya unper

wog aag , wooh tapish, woh bhanwar
Her koi naheen tikta unkay agay.

so akeyley chaley they hum , qaflay kay sath
qafla manziloon meen gum huwa
or hum chaltey rehay apni dagar.

so is tanhai ki aadat meen.
sub ajnabi manoos ajnabi
sub rishtay sarab say rishtey

khakh-o-dhool pareey sar meen

or Junoon ki manzileen heyn hamari
April 16, 2011

Woohi Manzileen wohi Rastay

by afatqiamat

woohi manzileen woohi rastay
woohi khardar jhareeyan

woohi sulagtey lamhey woohi baykali
woohi nishtar dil guzariyan

woohi ahsas ki pazh-murdagi
woohi zakham ki namak-pashian

woohi Ilzam-e-ulfat ka bahana
woohi sulagtey dil ki karchiyan

woohi zaat ka azh-dehum
woohi thaki thaki tanhaiyaan

woohi baharoon ki chamak
woohi sehra ki khizan

woohi qafs woohi zindan
woohi umeed-e-azadiyan

woohi manzileen woohi rastay
woohi khardar jhariyan

April 8, 2011

Hasil-e-Zindagi

by afatqiamat

Ik Lamha hi hey Hasil-e-zindgi
Ik Lamha hi hey Lehd ka Fasla

Pel Pel Janay kitney jehan
Ik Tak men Badly badly jehan

Bay-sabati arzoo Mun Jalaye
Deepak ki anch hi Hasil-e-zindagi

woh jo ik aas ka Qatra hey
Hazaroon Behr jismee saamaye huway

Alag Alag Zat ka Resha Resha
Tarapta hey aysey keh mohlat bhi na miley

Jankaani ka yeh alam
Our yeh Zindgi
jaisay Takhta dar pey para
Para ik pur-Sakoon lasha

Ik Lamha hi hey Hasil-e-zindgi
Ik Lamha hi hey Lehd ka Fasla

 

April 5, 2011

Nishter Nazreen

by afatqiamat


yeh unki masoob bay-khaber Nishter Nazreen
Hum bany but khatey rehey nishter Nazreen 

yeh Inteh-e-Sang dilli, our yeh nishter nazreen
yeh khamoshi , yeh shikwa, yeh ahsas our nishter nazreen

chand lamhay ko khamosh see chup chup see
chekhtey chingharetey , barastey Nister nazreen

yeh satehi-Ahsas ka Khali Khool
Yeh dard bhara dil, or nishter Nazreen

yeh Lahoo sa tapkey ,hey meyrey zakhmoon say
yeh her Qatra AAG see nishter Nazreen

yeh zaman-e-makan say azad khaiyal
yeh Qafs-e-zindan-e-ana ki nishtar nazreen

yeh jhuki jhuki see ankheen yeh paiwand lab
yeh rastee hoeeii ahsas ki nishter nazreen

yeh meyrey tanhai, our ahsas ka but
chalni chalni , raiza raiza kereen nishter nazreen

yeh Udasi, yeh baher-e-khizan ki chup chup see
Dil-guzar our tez-dhar araa see nishter nazreen

yeh thandi thandi dheemi dheemi tanhai
yeh bharkti sulagti yadoon ki nishter nazreen.

March 26, 2011

Mukhtasar’n

by afatqiamat

 

Chand lamhoon kay lee-yay ik sayya sa larz geya
Chand lamhey phir kahenn khoo gayeaa

Matah-e-hyat per to Rehzan tha.
Tum Rehzan per jan–nisar hoo gayeaa

March 25, 2011

Gumshuda Hamsafar

by afatqiamat

Koi zad-e-Rah na tha
Koi Humsafar na tha.

Wooh jo meyrey sath tha
Usee ki mujhey talash thee

Meen dhoonta phir reha tha manzileen
Or manziloon ko meyree talash thee.

Her moor per, Her ik aglee manzil ki terraf
meen chal deyta, meen ruk jaata
magar manzil mujhee na millee

wooh jo meyrey sath tha
wooh meyra humsafar
wooh jiski mujhey talash thee

wooh bhi khamosh thaaa
meen tanha thaa
mujhey useee ki to talash thee

usee kay duawaray kai bar loota
usse ki gali say kai bar guzraa

meen dhoondta phir reha tha us ka patta
mager woohi to meyrey sath thaa.

March 24, 2011

Mn Ka Joogi

by afatqiamat

Is  mn meen kaiysa joogi

Mn ko aap manayeen

 

 

Aas ka dariya paas hey teyray

Mn ki piyas bujhayeen.

 

Jaltey deepak , roshan anhiyaan

Mn meen aas lagayeen

 

 

Sulgi sulgi thandi sanseen

Mn meen aag lagayeen

 

Mehki Mehki hey tanhai

Mn say bahir ayeen…??

 

Jag Mag Jag Mag chand sitarey

Mn meen deep jalayeen.

 

Teykhi teykhi neechi ankhiyaan

Mn ghayel ko bachayeen…??

 

 

Dil key ayenthan, Kaisay wehshat

Mn ki chubhan barhayeen.

 

 

Mn Banjara, dukh ka mara

Kaisay thandak payeen.

 

Mn ka bairay , aik aseyree.

Kaisay Mn ko bachayeen.

 

 

Roog laga key, deep jala key

Mn meen lagan lagayeen.

 

Mn ko dhoondhey , Mn beychara

Mn say mill na payeen.

 

 

Dour khara hey, Bohot dhuwan hey

Mn ko deykh na payeen.

 

Rukti sanseen , bohot ghutan hey

Mn key pass to ayeen.

 

 

Is Sehra meen koi naheen hey

Hayee kahan ub jayeen.

March 24, 2011

Mn Beychara

by afatqiamat

kabhi ruk key
kabhi chal key

kabhi them key
phir yeh chelkey

hey yeh sagar
na hi maina
na hi jaam hey
na hi jum hey

hey yeh bhatkey
to yeh thak key
na hi beythey
na hi rookey

lagey roog
to yeh hans key
na hi mehfil
yeh ho way

ik musafir
isay chalna
isay jag meen
na hi rukna

jub yeh rukay
to yeh rookay
pooray mun ko
pooray tun koo

isay ruknay
naheen deyna
keh yeh mun hey
keh yeh mun hey.

March 1, 2011

Dil-e-Muztarab

by afatqiamat

muztarab, ay dil-e-muztrab
Shoola sa lapkey hey ay muztrab.

yeh chamak, yeh khera kheera
nighah na theyrey hey ay muztrab

woh chehra, phir woohi chehra
Ajnabi hey ub, ay dil-e-muztrab.

Yeh tarap, yeh Qurb, yeh talab.
Tashna rehey gee , ay muztrab.

na manzil, na nishan
Gard-e-awara ay muztrab

Tand-e-khoo, yeh gardab-e-safar.
our meen tinka , tinka, ay muztrab.

yeh thankan hey, bay jan-o-balb
Na saya na shajar, ay muztrab.

Talash-e-man, lehad ta abad.
Wohi sath hey ay muztrab.

Ay muztrab, dil-e-muztrab
ay mustrab dil-e-muztrab.

%d bloggers like this: