My First Business [selling frogs ]

by afatqiamat

Hum ney jo sub say pehla karobar kiyaa wooh maindak ka thaa.

huwa youn keh jub hum satween meen they , to aik dufaa bohot zoor ki barisheen huween.

humarya mohalay meen aik plat thaa jo keh khali thaa , or sarak say thoora neecha bhi , so usmeen kafi sara pani jama hoo geyaa , hum mohalay key larkoon ko to aik swimming pool mil geyaa , humeen bhi shouk charhaa , or hum bhi baqaidegi say wahan janay lagay, kiyoon keh barsaat ka mousam thaa, dhoop bhi kam nikaltee thee, or her waqt badal bhi ayee rehtey theey , or phir barisheen bhi hooti rehtee theen, so us plat kay swiming pool meen pani bhi bhara hi rehtaa thaa..

humaray to seenay tak aata thaa, kafi thaa, wahan say hum ney hath paoon marna bhi seekha , aik dufa hum swimming kertay huway zara kam gehray pani meen gayee to wahan hum ney aik maindak deykhaa , hum ney usko pakar liyaa , or aglay din , aik shapper meen dal ker school ley gayee , tahkey dostoon ko apnaa naya paltoo janwar dikhaa sakheen,
..us din sara din school meen hum or humara maindak mozu-e-guftagoo bana rahaa, humara bhii seena fakhar say phoola rehaa , keh kissi kay paas Maindak naheen thaa …. Interval meen to humaray aas phas jhamkata hi laga rehaa, her koi humeen or humaray maindak ko deykhney aa reha thaa, or hum Raja banay huway they ..

khair interval kay baad , chacha sharfoo humaray paas ayee, wooh school ki laybartray meen hootey they , unkay faraiz meen ninth key medical kay talibeilmoon kay liyee maindak mohiyaa kerna bhi thaa.

unhoon ney hum say kaha keh hum yeh maindak usko aath anay meen beych deyn , pehlay to hum na manay per phir unhoon ney uska rate bara anay kiyaa to hum ney soocha keh swimming pool meen our bhi maindak hoon gay , muft key bara anay ayeen gey to hum to ameer hoo jayeen gay .

soo , hum ney unko wooh maindak baych diyaa, or sham ko swimming pool khas tour per maindak pakarney gayee , qismat say usdin humeena teen our maindak mil gayee .

hum wooh teenon maindak ley ker aglay din phir school gayee, sharfoo chacha ney do to bara bara anay kiey hi khareeday or aik key aath aanay diyee, kiyoon keh wooh thoora choota thaa….

phir hum say kehnay legay , keh ayeenda maindak unki demand per laya kereen..

or youn hum ney Maindakoon ka karoobar shiroo ker diyaa , per humaray school meen kiyoon keh medical kay sirf 12-14 hee bachay they , lehaza 15-20 maindak hi beych sakey ….

sharfoo chacha key , aik our school say bhi arder pakraa , or us season meen hum ney koi 25-30 maindak beychay ….or koi 14-15 rupee kamyee ….

….. phir aik din humeen miss noor ney maindak beychtey deykh liyaa , bohot dantaa keh aap school perhney aatay hoo ya maindak beycney ….. phir humeen samjhaya keh in meen say baaz zehreylay bhi hoo saktey heen or nuksaan bhi pohunch saktaa hey …..

pehlay to hum naa manay, phir aik dufaa maindak pakertay huway humara hath kissi noukeelee cheez per lagaa, or ungli kafi soooj gayee , or kafi dinoon tak soojee rahee , bulkey dacter key pass gayee to us ney usper jo dawai dee , wooh bhi kafi teyz or jalanay wali thee…..us say hamaray damagh meen yeh rasikh hoo geyaa keh kissi zehereelay maindak ney kaat liyaa hey ….our youn hum ney is karobar say touba kee…

halankay baad meen sharfoo chachaa ney rate barhanay ki bhi lalach dee , or poora aik rupeeyaa deyna ka bhi boulaa, yeh our baat hey wooh khud usko do rupee ka beychtey they , per hum na manay…

agay janay wooh maindak ki supply kahan say laatey they , per hum baaz aa chukay they….

Advertisements

3 Comments to “My First Business [selling frogs ]”

  1. Maindak ka Shikari .. ye tu kisi Novel ka naam hogaya .. lol

    Kaafi waqt pehle parha tha Orkut community pe ye blog. Acchi yaadein hain!

    Kis jammaat mein they aap us waqt?

  2. ghalibn chatee ya satween meen they .

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: