Our Crosses

Every One of US.
Carry his own cross…

the irony is…. We spend our whole life……constructing this Cross for ourself.

…..and in the End ….. when we our self are PUT on this CROSS… we exclaim…..WHY….??

…and Blame every One for the injustice being Done to our self…….!!

..But then…… No one CARES….. Every one is busy building his own cross……

Just pause for a moment…..take a second off …your cross construction… Look Back… Look around You……
and you will Find EVERY ONE…… constructing his own cross…

But then When ONE’s Cross is complete….. they will JUMP up on the opportunity…… and Nail YOU to YOUR own Cross….

… your cries will fall on DEAF ears…..because then they will GET Back …….to Construct THEIR CROSSES…

…….I am about to Complete Mine…..!!……and Now the Shifty Uneasy Eyes Around Me are waiting …………

EAGERLY for the Opportunity…..!!!!…..to nail me to my Cross…

2012 ki Hamari Salgirah

aaj  27  January  2012 hey ,  aaj  suna hey hamari salgirah hooti hey…

Aaj  kafi loogon ney humeen salgirah ki mubarak bad dee hey , affice meen aik bar phir  her saal ki tarha  chanda ker kay hamaray liyee CAKE  bhi ayaa , uskay sath chai bhi or samoosay bhi … hasb-e-mamool  Seth ney aik lifafay meen humeen Salgirah ka tohfa alag diyaa . aglay maheeney key khooli key kirayee meen kaam ayee gaa…..  khuch loog mashqooq heyn key hamari salgirah hey bhi key  naheen , hum ney bari himmat ker key  apni Ami jaan ko phoone kiyaa ,unhoon ney bhi mubarak dee, or gilla kiyaa keh hum ub to ghar aa jayeen ,…hum chup say hi rehey ….phir hum ney apna sandooq khangaala us meen  Muncipality ka hamara Birth certificate bhi rakhaa thaa , ooos per bhi yehi tarrekh hey or  oos per sarkari dastakhat ba’ma  afficer Babu ki mohr key moujood heyn  , sath hi hamari kachi pehli ki report card bhi peree thee….oos per bhi yehi tareekh hey , oos per to hamary Head master sahib key dastakhat bhi heyn ….so  yeh to yaqeen hey keh  hamari  salgirah aaj hi hey ……. baqi kitney sal key heyn hum…..to  yaad ayaa aksr loog  hamari bateen sun ker kehtey heyn …. abay juma juma  aath din ki paidaish or aysee bateen…

Errr…….walah alam basawab

PS waisay hum ney aik najoomi say  zaicha  nikalwayaa thaa , errr….bulkey  aik software key zariyee khud nikala  thaa….us key mutabik  hum  26 Jan ko raat  11 bj ker  theek  24 minute per  paida huway  they………….. isee liyee  ami kehtee theen keh hum raat ko 12 bajay paiday huway they….
Errr….phir wallah alam basawab.

Aik Purana ilog

Hum ney yeh blogs bananay say pehlay ,  chowk.com per  ilogs likhey they , ub aksar woohi capy paste kertey rhey heyn.

 

18 Oct 2007 ki aik zati roedad ,jo hum ney  hawal-e-qalam kee thee , yehan  post ker rehey heyn.

wajah …??

 

kafi dinoon say khuch likhaa naheen thaa..

 

 Aag or Khoon ka Kheyl

 

naheen hum aa rehey they, per khuch likhney ki himat naheen per rehee thee

Zehen mauf ho geya tha, aag or khoon ka kheel, is ney humari rooh ko aik bar phir hilla diya thaa…

 

uska aik pair kat chucka tha…or wooh aik jalti huwi gari say kheternak had tek qareeb tha……humari pusht per chuban see hoo rehee thee, per hum phir bhi uski taraf berhey, humary sath chand loog oor bhee they, hum sub nay mil ker usko wahan say uthaya….. ..phir humary kandhey per koi cheez a ker lagee….. phir humeen yad naheen.

…phir hum ney apnay aap ko Jinnah Hospital meen paya…. mamooli say zakhm they…. ghantey doo mee farigh hoo geyee….

mager humari rooh per aik our zakhm leg chuka hey, janey kab theek hoo gaa.

 

Kal raat hum Net per ayee they, magar khuch himat naheen hoo rehee thee, khuch bhi likhney koo…..

ub bhi tabiyaat baychain hey…..

 

aap say maezert chahtey heen koi shair zehen meen naheen aa reha , zehen mauf hee….

 

Baqi sub theek hey…

 

Note : yeh  Post  24 Oct 2007 ko  chowk per likhee thee

http://www.chowk.com/Afat/iLogs/life/Aag-pur-Khoon-ka-Kheel

 

Dosri Post

18 Oct 2007 ki yaad meen , aik zati roidad

 

 

Aaj 18 Oct hey , … hamari ankhoon key samney wooh Manzar ghoom reha hey jub wooh shaks hairan pareyshan khoon meen liptaa huwaa apnay aas paas deykh rehaa thaa….. our loog uskay paas jaanay say dr rehay they …..

…. humeen achee tarhaa andaazaa thaa , is shaks koo ub koi dard mensoos naheen ho raha , our is ka jism bhi usee tarhaa sun hoo chukaa hey ….. jis tarhaa kabhi hamara huwaa thaa…… jub hum bhi kissi aysee hi kaifayat say guzray they…

 

yakay baad deegaray , do teen dhamakay huway theey, our loog bay yaqeeni ki kaifiat meen they……

 

 

Baad meen Jinnah meen , hum ney uski laash deykhee…..

 

 

..hamaray apnay kandhey kaa zakhm to kam ka mundamil hoo chukaa hey , mamooli saa thaa…..

 

per wooh Manzar …….. ub bhi us zakhm say teyseen deytaa hey….

yeh hum ney 18 Oct 2009 ko likhee thee , yani  do saal baad.

http://www.chowk.com/Afat/iLogs/life/18-Oct-2007-ki-yaad-meen-aik-zati-roidad
 

Aaj   11 Oct 2011  key , yani yeh din phir anay wala hey , shayed isee liyee  dohra rehey heyn

 

Khuch Tazkara Tarawi ka or khuch Aloo gosht kaa.

rozay to pooray hi hoo jaatay heen , ub to 6 roza tarawi , 10 roza tarawi , or jani or kitni hasb-e-zaroorat mukhtasar tarawi sessions, key zariyee aik maheenay ka kaam in meen hoo jaata hey,
quran khatam kerna hoota hey, so wooh 6 din wali tarawi ki nishist meen ker leyen, baqi sara maheena , baqi kaam ker leeyn……. ziada josh cherhey to 10 roza tarawi jis meen , tilawat or tarjuma hi hoota hey , wahan chaley jayeen .

khair , kiya sahi hey kiya ghalat, maqsad to ibadat hey, or uskay qabool hoonay ki aas , so wooh to tamam umer hi rehey gee , bay niaz hey , jab marzi hoogi qabool ker ley gaa duaeen , or poori ker day gaa hajat , chahey qabar meen latkey huway paoon nikalney ka bhi waqt na milley ….

chooreen , ramzan ki barkatoon sey faizyab hoon , or sub kay liyee khaloos-e-dil say achee achee duaeen kereen, hum bhi aisee hi duaeen kernay ki koshish kertey heen, phir dil hi dil meen apnay aap say sharminda hootey heen, kiyoon keh humari duaeen qabool naheen hooteen, khair mustakbil ka patta naheen , ub tak to naheen huwaeen , ziada shikayat ker naheen saktey , janey ken , nazar-iltafat humari taraf hoo , or khuch aaas poori hooo ….

humari duniyaa to baqi loogon ki tarah umeed per hi qaim hey.

XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXX

Aloo Gosht

aaj kal sub khuch readymade per guzara hey, fast food,
our hum ney note kiyaa hey, akeylay aadmi ka liyee wooh sasta bhi perta hey …

Rs 60 ki qormay ki plate say baz dufa to teen time ,ya do din aaram say guzara hoo jaata hey , bus Nan rooti garam laani perti hey, or fridge say nikal ker doubara garam kerna perta hey,….

wagarna aik admi kay liyee khud say bananay beythoo to Rs 100-130 ka kharcha hoo jaata hey , teen time kay khanay kay liyee….

or phir , bazar ki professional andaz say bani huwi jaisay her koi bana bhi naheen sektaa…

kehtey heen pakanay ki recepi hasil kerna aasan hey, per pakanay walay kay hath ka zaiqa naheen miltaa, humari daadi key hath ka pakaa huwa aalooo goosht or humari ammi key hath key pakay huway aaloo gosht ko hum dur say hi pehchaan jaatey thee….
bilkul aisay jaisay , dactri so sub koo aa sakti hey, per shifa kissi kissi key haath meen hooti hey,
aisay hi her haath ka zaiqa alag alag hoota hey…

ee bohot sari cheezeen hooti heen, aaloo katnay ka size, ghee ki miqdar, masala ka faraq, phir usme dalay huway gosht waghaira waghaira ….

….or yeh baat keh , har kissi kay hath ka ziada mukhtalif hoota hey, humari dadi usmeen thoora sa zeera dal deytey theen , or walida usper hara dhania

dadi ka banaya huwa aaloo gosht , nan key sath khaney meen maza aata thaa, or walida ka , aap hanseen gee per double rooti key sath .

humeen pakana aata to hey, per pakanay kay jhanjhat bohot heen, bartan , phir choolha, phir masalay rekhney pertey heen, phir pakanay kay baad sub bacha huwa , fridge meen rekhna perta hey, bartan dhooney pertey heen, …….is say bhi kharcha berhtaa hey, phir , jub fridge meen rekhay huway bartan ka salan khatam hoo jayee to usko dhoona to waqai bohot mushkil hoo jaata hey, sara saalan aas paas kinaroon per jam jaata hey, jo phir kafi mehnat key baat dhultaa hey…

so apni saholat or aasani kay liyee, aasan rastaa, aas paas kafi hotel heen, sub key sub zindabaad.

ramzanoon meen aisaa hi hota hey, khamkha meen legta hey keh bohot thak gayee heen.

beherhal , humeen ub jaana hey, seth ka arder hey .

aloo gosht per ub phir kabhi baat hoo gey

NOTE: Yeh Alloo Gosht ka ehwal , humaray chand scraps ki copy paste hey.

Doonon mozoon kaa apus meen koi taluq naheen , siwayee iskay keh yeh zehni fatoor qirtaz-e-ibeaiz per aik he waqt muntaqil kiya geyaa.

barah-e-karam in mozuat ki apus meen la taluqi ko aik “Faqa” kush ya FAQA_ZADA insan , jo keh apnay faqay ko ” Roza” kehta hey , key rozay lagney ka asr samjheen or sanjeedegi say na leen.

[b] Aloo Gosht [/b]aaj kal sub khuch readymade per guzara hey, fast food, our hum ney note kiyaa hey, akeylay aadmi ka liyee wooh sasta bhi perta hey … Rs 60 ki qormay ki plate say baz dufa to teen time ,ya do din aaram say guzara hoo jaata hey , bus Nan rooti garam laani perti hey, or fridge say nikal ker doubara garam kerna perta hey,…. wagarna aik admi kay liyee khud say bananay beythoo to Rs 100-130 ka kharcha hoo jaata hey , teen time kay khanay kay liyee…. or phir , bazar ki professional andaz say bani huwi jaisay her koi bana bhi naheen sektaa… kehtey heen pakanay ki recepi hasil kerna aasan hey, per pakanay walay kay hath ka zaiqa naheen miltaa, humari daadi key hath ka pakaa huwa aalooo goosht or humari ammi key hath key pakay huway aaloo gosht ko hum dur say hi pehchaan jaatey thee…. bilkul aisay jaisay , dactri so sub koo aa sakti hey, per shifa kissi kissi key haath meen hooti hey, aisay hi her haath ka zaiqa alag alag hoota hey… ee bohot sari cheezeen hooti heen, aaloo katnay ka size, ghee ki miqdar, masala ka faraq, phir usme dalay huway gosht waghaira waghaira …. ….or yeh baat keh , har kissi kay hath ka ziada mukhtalif hoota hey, humari dadi usmeen thoora sa zeera dal deytey theen , or walida usper hara dhania dadi ka banaya huwa aaloo gosht , nan key sath khaney meen maza aata thaa, or walida ka , aap hanseen gee per double rooti key sath . humeen pakana aata to hey, per pakanay kay jhanjhat bohot heen, bartan , phir choolha, phir masalay rekhney pertey heen, phir pakanay kay baad sub bacha huwa , fridge meen rekhna perta hey, bartan dhooney pertey heen, …….is say bhi kharcha berhtaa hey, phir , jub fridge meen rekhay huway bartan ka salan khatam hoo jayee to usko dhoona to waqai bohot mushkil hoo jaata hey, sara saalan aas paas kinaroon per jam jaata hey, jo phir kafi mehnat key baat dhultaa hey… so apni saholat or aasani kay liyee, aasan rastaa, aas paas kafi hotel heen, sub key sub zindabaad. ramzanoon meen aisaa hi hota hey, khamkha meen legta hey keh bohot thak gayee heen. beherhal , humeen ub jaana hey, seth ka arder hey . aloo gosht per ub phir kabhi baat hoo gey NOTE: Yeh Alloo Gosht ka ehwal , humaray chand scraps ki copy paste hey. Doonon mozoon kaa apus meen koi taluq naheen , siwayee iskay keh yeh zehni fatoor qirtaz-e-ibeaiz per aik he waqt muntaqil kiya geyaa. barah-e-karam in mozuat ki apus meen la taluqi ko aik “Faqa” kush ya FAQA_ZADA insan , jo keh apnay faqay ko ” Roza” kehta hey , key rozay lagney ka asr samjheen or sanjeedegi say na leen.

 

Pagal Qoum

17  Lasheen , 40 gariyaan , ……us say pehlay  119 Lasheen , or  janay kitnee gariyaan.

 

wajah , aik shaks kehtaa hey  keh anay walay  Bhookey Nangay they , aag lag jaati hey .

Haan such to hey , aanay walay bhookey nangay they , per  wooh bhookey nangay , Sindh meen naheen Punjab meen ayee they , 14.5 Million meen say  9.2  Million ….in ka sub say zida or sub khuch ujar geyaa thaa , inkey khandan key khandan kaat diyee gayee they …… kiss liyee …….ik sarab or  NO 2 bunney  key liyee ….??or yeh suneney kay liyee keh unkay gharoon meen mujray hootey heyn..

haan hooney heyn , kiyoon key  unhoon ney apnaa culture , apni tehzeeb apna  tamadun apni zaban  , apna watan tour diyaa ……or Mujraa Culture unka  naheen , kissi aour kaa hey …….or ub unkay gharoon meen hoota hey , is liyee keh unkay gharoon meen unka  culture naheen hoota ..

 

Hasan Nisar kehta hey ,  jo qoumeen tareekh ko maskh kertee heyn , Tareekh un ko maskh ker deyti hey ..

 

sindh meen to jo ayee woh  48 ya us kay baad ayee ,or unkaa aana unkaa socha samjhaa faisalaa tha , shayed ghareeb zaroor hoon , per bhookey nangay  naheen they , or agr they to phir yehan aa ker rehey naheen.

 

per …..yeh wooh qoum ney joo apnay aap ko dhooka deyti hey ,or us kay liyee apnay aap say jhoot boolti hey.

 

khair , is pagal pun meen  4-5 dinoon meen  150 say qareeb ghar tabah hoo gayee…….jis ghar ka koi jaata hey usk khandan ki to  zindagi hi khatam hoo jaati hey…. magr  Point scoring  or  Badlay leynaa us say ziada zaroori hey.

 

…..Hum is qoum say Mayos hootey jaa rehey heyn… or intezar ker rehey heyn…

 

….ayenda  anay wala  manzar  , Syed Jamal ud din ney  dikha diyaa heyn

 

http://www.dividepakistan.blogspot.com/

.ub yeh is say lakh inkaar kareen , magr banda wooh MQM ka hey ,dosra manzar  Bain ul aqwami  idaroon ney muslim duniyaa ke  2012-2015 tak key naqshon meen dikhayaa hey …….. hum search naheen kareen gay aap loog khud  google  ker loo us kay baray meen.

Batwa or Joota

.bachpan meen aik shararat jo hum mohalay waloon say mill ker aksr kertey they …us ka taluq batway say thaa…

Professor sahib key ghar ki seerhiyoon per beyth ker aik batway ko dhagay say bandh ker sarak par pheynk deytey they….

… Nayab Cinema say aksr loog show khatam hooney key baad , sarak crass ker key , Govt College wali gali say guzartey they…… kafi rush hoota thaa…

aysay meen agr kissi ko wooh batwaa nazr ayee , to lazmn …….wooh usko uthanay key liyee jhuktaa thaa……… Batwaa……..or us meen mumkina tour per moujood paisaoon key bari kashish hooti hey…

uskay baad uskay sath joo hoota thaa…woh aik alg dastaan heyn. …….kiyon keh jaisay hi wooh batway ki taraf hath barhataa……. Seerhi per beythaa huwa larka , jis key hath meen us say bandhaa dhagoo hoota thaa,…….us ko kheych leytaa……..or batwaa……….ur ker uskay hathoon meen anay say pehlay hi ur jaata , ya agr hath meen aata bhi to chalang laga ker nikal jaata….
us kay baad , us shaks keee shakl or harkateen deykhey wali hooti theen……kai to is mafroor batway key peechay bhagney lagtey they ….kai us per chalang lagatey they…….kai thitak ker ruk jaatay or phir ahista ahistaa ghat laganey key liyee doubara us ki taraf barhtey …..magr , kahani phir dohrai jaati , yaani ….hath aya huwaa batwa , hathon key tooton ki tarah phir nikal jaata….

us waqt agr kissi larkey hi hansi nakl jatee, tub mamlaa uski samjh meen aatta, or woh ya to ghussa hoota , ya khajal hoo ker sharminda sharminda saa khisiyani hansi hansta huwaa agay berh jaata..

…… aik dafa aik sahib , Govt School ki deewar key sath , ….. rafa-e-hajat meen masroof they……. Moti ney batwa unkay paas ki pheynk diyaa……. ub deewar key sath beythay huway jub unki nazar ……mumkina mal per pari , or wooh bhi itnaa qareeb …….to ……… sath hi hath barhayaa …….magr batwa phudak ker agay berh geyaa…..unhoon ney wahan say hi batway per dive lagaee .. ..ub halat yeh keh pant neechay ……….pairoon meen phansi huwi…. nangay mungay ….. zameen per girry huway….or batwaa……..unsay chand inch hi agay paraa huwaa unka munh chirhaa rahaa.. or wooh pat pat ankheen phar ker usko deykh rehey keh yeh agay kaisay bhaga….

phir jab larkoon kay Qahqahay ki awaz sunayee dee….to uthey or aysaa bhagay …..keh apni jootiyaan bhi wahan hi chor gayee…………or kafi deyr agay ja ker , unko pant ooper karnay ka khiyaal ayaa….

……….. humeen yaqeen yeh , yeh waqiyaa sari zindagi unheen …..peryshan kartaa rehey gaa.

..isee tarha aik dafa aik sahib ko , hasb-e-mamool khali deewar deykh ker apni nishani wahan choorney ka khiyal ayaa…….. mousoof Cycle per they , maghrib ka time thaa… cycle say utreey , usko tala lagayaa , Izhar band khoola , or aik khali jagha deykh ker ……apni nishani laganay lagay…..

…..phir unheen bhi qareeb hi batwa para nazr ayaa , …abhi wooh us per ghour ker hi rahay they , keh batwaa khud ba khud uchlaa or thoori door jaa ker giraa….

…wooh bhi uchal pareey…..chookney , or batway ko doubara ghour say deykhaa…. batway ney phir aik phudkee lagayee….. ub phir choonkey , or batway ki taraf barhey…… to batway ney unko deykh ker …….aik dam bugat dour lagaa dee…..hawa meen uchaltaa huwaa…….sarak paar janey laga…

unhoon ney jo you baway ko khud ba khudd…hawa meen urtey deykhaa……to Bhoot bhoot bhooot kertey aysaa bhagay ….. keh ghayeeb hi hoo gayee…..

Larkoon ko bhi sharart sooojee………Cycle key paas gayee……..to deykhaa cycle to ko tala laga huwaa hey ……..beher haal , ghumaa ker cycle kaa rukh tabdeel ker diyaa…or waha hi khree rehney dee…

aik adh ghantey baad wooh sahib …….do our admiyoon key sath ayee… or apni Cycle ley gayee ……….humeen yaqeen hey wooh cycle ka rukh tabdeel hooney per bhii hairan rehey hoongay…

Qissa Nahanay ka

karachi meen swiming pools ki kami hey , pehlay to our bhi ziada thee , ley dey ker aik Kashmir complex meen thaa, per wahan janay ki na hum meen himmat thee na aukat .

chunachey Gulshan-e-iqbal meen aik dhoonda thaa , per wahan bhi rush hooney laga thaa, phir aik water-pump per kissi ney batayaa , magar wahan to legta hey , bhayenseen nahati theen , itna ganda hoota thaa, so source lerayee, to pata chala keh yar-e-man Samson Shahbaz zariya bun sakta hey , kiyoon keh Hasan square key peechay aik church hey, or wahan aik swiming pool bhi hey, khair samson bhi razi hoo geyaa ,
wahah gayee to pata chala keh jissy wooh swiming pool kehtey heen , wooh to aik Pani ka tank hey, jiss mee kheytoon kay liyee pani jama kiyaa jaata hey.

khair humeen kiyaa, aik to muft ka thaa, phir sara ka sara apna, koi our aa ker tang naheen kerta thaa ,kiyoon keh church ka thaa , baray mazay kiyee wahan, pani meen hath peyr marna bhi wahan hi seekha, kitnee tayraqi ayee, naheen jantay , kiyoon keh wooh bohot choota thaa, per phir bhi do teen chaker to uskay laga hi leytay they aik sans meen.

kafi dost jama hootey they wahan , poora group thaa , ghalibn 8-9 larkoon kaa ,

aik duffa jub usmeen dubkiyaan khaa rehey they , to kissi key nahaney ki chadi uttar gayee or pani kay opper aa gayee, Saud kay hath lagi , to us nay poocha kah kiss ki hey, sub shararti they, so jis ki utree they , wooh bhi khamosh raha, janta thaa keh bata diyaa to khair naheen .
khair Shakil ney wooh chadi utha ker Tank say Bahir aik darkht per phyenk dee, keh jis ki hey, ub qudrati libas meen ja ker khud hi uthayee gaa.

wooh mousuf bhi kissi ko batayee baghair nahatay rehey, khair sham huwi to sub Tank say bahir ayee….

sirf Qamar naheen ayee , Qamar hum sub meen sub say dubla patla thaa, ghalibn uskay apnay paas nahaney ki chadi naheen thee, so wooh apnay aba ki pehen ayee hoo gaa, or kiyoon key wooh bari thee, lehaza ghoota leganay kay waqt utar gayee hoo gee.
ub uskay liyee to masla per geyaa, bahir keysay nikley , sub loog thoori dour jaa ker theher gayee , or wooh baychara wahan hi Tank ki dewar say chipkaa , sub ki minat samajat kernay lagaa , per uski madad kernay ko koi bhi teyar naheen thaa..

humeen hamdardi soojhee, so hum ney wahay kheytoon meen lagay huway Kailay kay darkht say do pattay touray or aa ker usko diyaa, keh loo in kaylay kay pattoon say sattar poshi karoo , or jaa ker darkht per tangi chadi uttar loo or pehen loo ..
majbouran Qamar , Dhai Pasli ka tarzan ban ker , kayley kay patoon meen lipat ker niklaa , magar us say pehley keh wooh chadi tak pohunchtaa , Nasir joo sub say lamba thaa ,uchak ker chadi uttar lee,

Ub Nasir agay agay, or Qamar , kaiylay kay patoon kei libas meen uskay peechey peechay ,
un dinoon Hassan square kay peechay ka illaqa taqreeban sunsan hi huwa kerta thaa, khair , flatoon key peechey say bhagtey bhagtey wooh doonon taqreeban Bus stop tek a gayee .

us per sary doostoon ney Nasir say kaha keh bus ub bohot hoo gayee , kafi sata liyee hey, lehaza uski chadi wapus ker dee jayee, or Nasir nay bhi abadi qareeb anay per , khud hi wapus ker dee , humaray group ki aik khasiyat thee keh apus meen mazak kertey they , per kissi kay samnay koi aisaa mazak naheen kertey they keh jis say sharmindagi hoo.

khair Qamar ney aik kooney meen ja ker chadi pehni , per uskay jism per aik chadi hi thee , uski pant or qameez ho Saud utha layaa thaa, kehnay laga wapus ker doo , sardi leg rahey hey , .
ub to aik or shughal haath lag geyaa, sub ney apnay apnay towliyaa us ko lipta diyaee , per pant kameez naheen dee , ub uski ajeeb halat thee, jism per 7-8 towliyaa liptey huway , or aik chadi pehnay huway ….
bari minat samajat ki , per Suad ney uskay kapray apnay theyley meen dal diyee ,magar usko diyaa naheen.
khair un dinoon Hassan square per bhi itna rush naheen hoota thaa, or maghrib ka aas pass to waqoneen bhi khali mil jayaa kertee theen.

Qamar U5 say apnay ghar jayaa kerta thaa, U5 uskay ghar kay bilkul samnay say guzartee thee , so wooh usko apni zati gari kehtaa thaa, U5 kay conductor or driver bhi ghalibn uskoo nam or shakal say pehchantey they.

aik U5 ayee to Shakil usko ley ker U5 kay driver kay pass geyaa, kehnay laga, yeh bachaa isee tarhaa khairiyat say ghar pohunchna chahiyee, phir us ko Saud ka theyla dey ker boula , yeh thaylaa usko ghar jaa ker hi deyna hey, us say pehlay naheen .

Driver bhi koi zinda dil thaa, baray serious andaz meen boulaa janab fikr hi na kareen , aap ki amanat poori khairyat say poohnchay gee , or saman bhi usko tab hi miley gaa.

so beychara Qamar , aik drama bun ker U5 meen beyth geyaa , Nasir bhi uskay ghar kay pass hi rehtaa thaa, wooh bhi sath hi beyth geyaa….
or youn Qamar mian goyaa ” loot kay budhooo ghar ko ayee “

bad meen Nasir ney bataya, keh U5 walay ney bilkul waisa hi kiyaa jaisay keh usko batayaa gayaa thaa, yani Qamar ko bilkul uskay ghar key darwazay per uttara , is tarha keh Qamar Sahib aik chadi , or 6-7 towliyon meen liptay huway they, or ghar pohunch ker kaproon ka lifafa us ko diyaa geyaa, bulkey U5 kay driver khud utter ker uskoo sath ley ker , uskay ghar geyaa, or ghanti baja ker usko uskay bhai key hawalay kiyaa yeh kerh ker, keh yeh mousuf Gum hoo gayee they , so driver unko Pehchan ker apnay sath wapus layee hey.

or uskay bhai nay yaqeeni key halat meen kafi deyr bahir hi kharaa U5 ko jaata deykhtaa rehaa.

NOTE ; Is  Qissay meen hum ney  khuch namak mirch bhi lagayaa hey , or  naam bhi tabdeel kiyee heyn……..  Qamar wooh naheen , jis key sath yeh qissa peysh ayee …..or dosray kirdaroon ka bhi namm  idher udher kiyaa hey .

haan  tasaweer  asli heyn..

Janay kiyoon….??

.……kal yani 20 May 2011 ko aik ajeeb baat huwi ………

……hum ney 8-9 saal baad kissi ko apni awaz sunai…..!!

………….. hum 2002 say aik khud sakhtaa , khool meen apnay aap ko bund kiyee huway heyn… lakh koshisheen kee hamdardoon ney , raqeeboon ney , rafiqoon ney ,……per na hi unmeen say koi hamara asl naam janta hey , na hi patta , na hi mehel-e-waqoo …waghairaa ..waghaira…..

kal pata naheen kiyaa huwaa…………..kissi ney israr kiyaa keh wooh hum say baat kernaa chahtaa hey…………or janaey kiyoon hum inkaar na kar sakay , …….halankey is say pehlay hum nahaiyat hi dhitaee say or baaz dafa bad tameezi say inkaar ker deytey heyn……….bulkey aysaa ankar kertey heyn keh Abgeenoon ko theys pohunchtee hey ………..or us inkaar key baat ,…………kam iz kam 10-12 loog ……….phir doubara humeen gawara naheen kertey ….

………beherhal………..kal janay kiyoon ……….or kaisay …. hum inkaar na kar sakay………us waqt hum apnay aik dost key haan beythey huway they ……….or wooh kaheen geyaa huwaa thaa………so hum ney uska number day diyaa….

chand lamhoon baad ……..phone bhi aa geyaa……….. per phir hamari rag-e-bayniazi pharak uthee……….or hum …….sawal-o-jawab meen hoon haan hi kertey rehay …..

………. 10-12 minute ki guftagoo key baad humeen yaqeen hey………hum phir bhi ajnabi hi rehey hoon gay…..

………..hum bara soochtey rehey keh hum ney aisaa kiyoon kiyaa……….to aaj subah mail meen aik email ayee ……..us meen likhaa thaa………..Rahu or Ketu ney apna ghar badlaa hey…….

or hum sr khuja ker reh gayee heyn….

walah alam basawab.

Waqt

Time is  a Cruel  Entity ………………….

……………………..It does not  gives you time.

Waqt  bara  Zalim hey …………

………..  Yeh aapko  Waqt naheen deytaa…

Advance Waliyan

..Seeth bata raha thaa, aik din achanak, subha subha kissi key ghar ki ghanti bajayee….bahir nikel ker deykha to aik Mashoor singer theen, unkay sath 4-5 mushtanday qism key loog they…….musalah.

kehnay lageen , kahan hey larki, jis koo aap loogon key qaid ker rekhaa hey , Seth Hairan huwa,…. is douran seth ki zooja mohtarma bhi aa gayeen ….wooh bhi hairan huwiyeen …..or un khatoon sey kaha …. keh aap kiss larki ki baat ker rehey heyn.

…itney meen ……… ghar meen kam karney wali larki bhi bahir aa gayee… usee waqt Madam ki gari say Us larki ki maan bhi nikal ayee…..

kehnay lagi , yehi hey, yehi hey meyri beeti…

Seth ki zooja ney Madam say kaha aap ander ayeen , or majra batayeen key kiyaa hey.

….Madam, ub kabhi seth ki zooja koo or kabhi us larki ko deykhtee …. larki ney achay saf suthrey kapray pehney huway they…. . or kissi bhi lehaz say aysaa naeen leg rehaa thaa key us per koi zulm shulm kiyaa geyaa hooo…

Madam ney apnay mohafizoon koo bahir hi rehnay kaa kahan…or ander aa gayee….. sath hi larki ki maan ko bhi andr bulla liyaa..

or phir uski maan ki taraf deykh ker , durusht lehjey meen boola….to to kehtey thee keh bachi per zulm hoota hey, yeh martey heyn ….khana bhi naheen deytey …or sara din janwaroon ki tarha kam karwatey heyn..

magr teyri bachi to lagtaa hey bohot acheee tarhaa reh rehee hey….

…ub Larki ki maan ayeen bayeen shayeen karney lagi …

mazeed khureedney per raz khulaa…
saara masla ….. zaida paisoon ki lalach kaa thaa…. Mazeed latar kerney per …. booli ghalti hoo gayee…. mujhey maaf ker deyn…or Zafri say mat kahiyee gaa… naheen to meyri bachiyoon koo agay kaam naheen milley gaa…

..Is tarha ki bachiyaan jin ko unkay waldeyn apni ghurbat ki wajah say doosroon key ghar kaam kerhey bheyjtey heyn …..Advance waliyaan kehlati heyn….

yeh aik bara munazim Network hoota hey…. Yeh Zafri type key loog , dealer hootey heyn… sara kaam aitebar per chaltaa hey….. Zafri type key loogon key aitebar per.

Agr Zafri sahi jagha bachey ya bachiyoon ki noukri na lagway , to aindaa koi bhi Zafri say apnee bachey ya bachey ko kam per lagwanay ka naheen kehey gaa….
or agr wooh Bachi ya Bacha bhagg jaata hey, ya choori kertaa hey to Aindaa Koi bhi Zafri say Mulazim key intezam ka naheen kehey gaa…

Sal ka do saal ka , chey maah ka Advance tey hootaa hey , or Zafri type key loog , Gaoon say bachay ya bachiyaan mulazmat kay liyee la ker deytey heyn…

yeh Zafri ki zimeydari hooti hey wooh Bachi ya bachey koo achee jagha lagwayeen , or rekhney waloon ko zamanat deyn key Bachi ya Bachaa bhagey gaa naheen or contract ki mudat tak kaam karey gaa….. or choori chakari ki soorat meen bhi … maslay kooo hal kerwayaa gaa…

magar aysaa aksar naheen hoota ..

khair , Seth ki zooja ney Zafri key theek thak of qabil-e-bharoosa hooney ka sun ker Mulazima ka kahaa thaa….. to Zafri ney yeh Bachi la ker dee thee….
Ghalibn 12,000 ya 15,000 sal ka tey huwa thaa…… Is meen say Zafri ney apna commision rekh ker baqi paisay bachi key waldayn ko day diyee theey…. aik saal ka tey huwa thaa…. sal khatam hooney per Larki key Sath, uskay Man Baap key leiyee do do joorey or Jootay bhi tey huway they…

Seth or us ka Khandan ….parha likhaa…. or Nafees khandan hey.

…. us ki apni teen bachiyaan heyn…. khuda tars insaan ney……uskee bachiyaan or zoojaa bhi dheemay mizaj ko our achee khatoon heyn…

unka nazariyaa hey, is tarha bachiyaan rekh ker wooh zulm naheen kertey bulkey us bachi ya bachay key liyaa Bahter kertey hey.

….us ko Achay gharoon meen rehnay ka tareeqa sikhatey hey, khana pakana , or kam kaj karney ka tareeqa sikhaatey heyn….kiyoon keh bohot kam aisaa hoota hey keh aisee bachiyaan pehlay say hi sekhi huwi hoon…. unko acha kahanay ka deytey heyn…. acha peheneney ka deytey heyn…. apnay bachoon ki tarah rekhtey heyn.

…Seth ki bachiyaan to school say aa ker ….. sham ko aksar apnay home work say time nikal ker …usko parhatee bhi theeyn….Seth ki zooja ney apni Bari bachi key wooh kapray joo usko chootey hoo gayee they….. khud uskay naap key ker key or see ker usko peheneney kay liyee diyaa they……

Matawst amdanai ka gharana hey, aam tour say is tarha key gharanoon meen , aisaa hi hoota hey….. bulkey aksr Bari Bachi ya Bachey kay Kapray chootey behn ya Bhi pehen leytaa hey ….

…. Khana bhi woohi hoota thaa jo sab khatay they …. bachi ki zimey khar ki safai, jhar ponch , or Kaproon ki istari waghaira hi thee…. abhi kiyoon key zaiad arsa naheen huwaa thaa…warna …..Seth ki zooja to khana pakana bhi sikha deytee thee ….

khair , huwa joun thaa , keh uskay Waldeyn ney joo Advance liyaa thaa , wooh khatam hoo geyaa thaa…. or wooh phir maqrooz hoo gayee they……

Bachi ki contract meen abhi 7-8 Mah baqi they, is liyaa forn paisay aanay ki koi umeed naheen thee….

is douran Bachi ki maan ki mulakat kaheen say Azra jahan say hoo gayee..
Azra Jahan ko bhi ghareyloo mulazmaa ki zaroorat thee , so us nay us ki maan say kahaa key teyri bachi kahan hey… or paisay bhi ziada batayee …

usper uski maan ney moqaa ghanimeet jaana , to usnay Zulm ki aik Dastaan ghar lee , keh uski bachi Seth key haan hey, or Seth us ko marta hey, us per zulm kertaa hey……khana waghairaa bhi naheen deytaa , or tashadud kertaa hey…..

or roo dhoo ker aisaa samaa bandhaa key Azra jahan ka dil paseej geyaa…. or phir usko bhi Zaroorat thee…..

so wooh apnay musalah muhafizoon key sath, bachi Churwanay ayee thee….

magr jab yehan halat hi ultey deykhey , to Seth say or uski zooja say bohot maez’rt kee …..

Magr Seth ki zooja ney Kaha keh ub mujhey is bachi ko naheen rakhnaa…. Aap ko samjhdar khatoon theen , asl mamley ko samjh gayee…. agr ayenda is nay phir mazeed paisoon ki lalach meen, koi aisyee harkat kee…..to hum to shareef loog heyn istarha nibha naheen sakeen gay…..

….Usper Madam ney , Advance key Baqai paisay apnay pas say wapus kiyee , or kehney lagee haan waqai aap jaisay loog in say naheen nimat saktey …

…. humeen inki achee tarhaa samjh aa gayee hey , or phir doubara bari maez’rt kee ……

Seth ki zooja ney usee waqt us bachee say kaha aapna saman pack karoo , is per us bachee ki ankhoon meen ansoo aa gayee….

kiyoon keh yehan wooh Mulazma say ziada , behnoon ki tarhaa reh rehee thee… khud seth ki bachiyaan bhi Udaas hoo gayeen….

Us bachi ki walda ho bhi ghalibn ehsaas hoo geyaa keh wooh kitnee bari ghaltee kar reheey hey…. wooh bhi mafiyaan mangney lagee or mint samajat kerney lagee keh uski paroosan ney uskooi paati parhaai thee , keh istarhaah shoor machaney per , shareef loog bachi bhi wapus ker deyn gey , or tum ko paisay bhi wapus naheen karney pareen gay….

magr seth ki zooja ney kaha keh ub mujhay bhi tumhari samjh aa gayee hey, or ub yeh meyray liyee mumkin naheen ……… yeh Azra jahan bhi achee khatoon lag rahee heyn…..

ub tum janoo or tumhari bachi…

….. Hamari Ghurbat ka yeh almiyaa hey , bachay or bachiyaan apnay bachpan say mehroom hoo jaatey heyn… maan baap bhi isee liyee ziada bachey paida kertey heyn keh ziada kaam kernay walay mileen gay…..

… jab tak , is pooray nizam ka OverHaul naheen hoo gaa….. aisaa hi hoota rehey ga…waldeyn ki Lalch ya unki Ghurbat ki majbouri aysee hi apnay hi bachoon say zulm kertey rehey gee…..

….. per koun janay …… aisaa kab tek hoo gaa..